الكل يبكيها...

//



خايف عليها مـن الثـرى غطاهـا
والا الحصـى حـافـي اخــاف اذاهــا

اكــرم عليـهـا بالكـفـن يامـطـوع
بالبـيـت ضــل فراشـهـا وغـطـاهـا

اكـرم عليـه بالكفـن هــذي امــي
وشهـد عليهافـي ماعـطـت يمنـاهـا

هـذي الضحـى والـيـل يتحـرونـه
هـــذي السماءونـجـومـه تـنـعـاهـا

هـــذي الـسـوالـف مثلناتبكـيـهـا
والارض تنشـد عـن اثـر لخطـاهـا

هـذي الكبيـره كبـر هـذي الدنـيـا
هـذي العظيـمـه جــل مــن سـواهـا

ابـكـي عليـهـا مـونـهـار ولـيـلـه
ولاسـنـه تـمـشـي وعـــد قـضـاهـا

ابـكــي عليـهـاكـثـر ماشـالـتـنـي
وكثـر الحنيـن الـي اختـلـط بغنـاهـا

وكثرالاسامي وكثـر مـن سموهـا
وكثرالـنـجـوم وكـثـرمـن يـرعـاهـا

ابـكـي عليهـامـن القـهـر يادنـيـا
من لـي انـا مـن لـي عقـب فرقاهـا

مــن فتـحـت عيـنـي ولاخلـتـنـي
وشــوفــو ولــدهــا بالقـبـرخـلاهـا

هــل الـتـراب بـوجـهـا مـاقـصـر
شفتـو ولدهـا كـيـف هــو جـازاهـا

لـوانـهـامـكــانــي مــاســوتــهــا
لاكـــن اعــــز عـيـالـهـا ســواهــا

يــــادود شـفـهـاذابـلـه جـنـبـهــا
نـاولـدهــاوحــاضــر وافــــداهــــا

قطعني هاك الي تبي مـن جسمـي
بــس الكـريـمـه لاتـجــي بـحـذاهـا

ووصيـك امانـه قــل لهاتعـذرنـي
وتكفـى تـروح تحـب لــي ماطـاهـا

ابيها تغـفـر لـــي مـثــل مـاكـانـت
كــل خمـلـه مـنـي بطيبـهـا ترفـاهـا

يالله عـسـاهــا بـنـعـيـم الـخـالــد
وعساهـا فـي جنـة عــدن سكنـاهـا

يافضـو هـاذا الكـون ياهـو خالـي
ياضـيـق هــذي الدنـيـا يامقـسـاهـا

يـامــر طـعــم فـراقـهــا يــامــره
مـانـي مـصـدق ارجـــع ومالـقـاهـا

وشلون اجي غرفتهـا ماهـي فيـه
ا وش عــذري لسبحتهاومصـلاهـا

وش اقول انا لدولابها ومصحفها
واذاسـالـنــي مـشـطـهـا وحـنـاهــا

وعـبـاتـهـا والـمـبـخـره ومـــــي
زمــــزم ورشـوشــهــا ودواهـــــا

الـكــل فـــي غرفـتـهـا متفـقـدهـا
حـتـى الـجـدار متفـطـر ويـرجـاهـا

الـكــل يبكـيـهـا مـهــو نـاسـيـهـا
يالله صـبـرنـي وشـلــون انـسـاهـا

ياليتهـا ياليتهـا مارحـت وخلتنـي
او وسـعـتـلــي بـالـقـبــر ويــاهـــا



//